Your Phone აპლიკაცია Galaxy Note 10-თან Bluetooth-კავშირის გარეშე იმუშავებს

Samsung Galaxy Note 10-ის პრეზენტაციის დროს კომპანიის წარმომადგენლებმა Microsoft-თან ერთად სამაგიდე და მობლიურ სამომხმარებლო გარემოებს შორის ბარიერების მოხსნაზე ისაუბრებს. აღნიშნული ურთიერთქმედება ორ ეკოსისტემას შორის Windows 10-ის აქტიური მომხმარებლებისთვის ნაცნობი აპლიკაცია Your Phone-ის საშუალებით მიიღწევა. იგი კომპიუტერს სმარტფონთან აკავშირებს და მისი მარტივად მართვის შესაძლებლობას იძლევა.

აპლიკაცია Your Phone მხოლოდ შეზღუდული რაოდენობის სმარტფონებზე მუშაობს, რომლებსაც Bluetooth LE ტექნოლოგიის მხარდაჭერა გააჩნიათ. ამგვარად Windows 10-ზე მომუშავე კომპიუტერთან Android მოწყობილობის მონაცემების სინქრონიზაციის გარდა თქვენ მისი მართვის და ეკრანის ტრანსლირების შესაძლებლობაც გეძლევათ.

Wow the #YourPhone app is so much faster and more reliable on @SamsungMobile Note10 and Phone Screen feature works on Surface Studio 2 🙂 @zacbowden Job well done @VishnuNath and @AnalyMsft ! Now how about actionable notifications in the app? 🙂

— Gordan Redzic (@gordanredzic) August 22, 2019

Galaxy Note 10-ს რაც შეეხება, მისი Windows 10-თან დაკავშირება თქვენ Bluetooth LE-ს გამოყენების გარეშეც შეგიძლიათ. გარდა ამისა, Windows Central-ის რედაქტორები Galaxy Note 10-ისა და Windows 10-ის ერთობლივი მუშაობას საუკეთესოდ აფასებენ.

ასევე აღსანიშნავია, რომ Galaxy Note 10-ის ფუნქცია „Windows Link“, რომელიც Windows 10-ზე მომუშავე კომპიუტერთან ფლაგმანის დაკავშირების პროცესს ამარტივებს, მოგვიანებით Samsung-ის შედარებით მოძველებულ სმარტფონებზეც გამოჩნდება.