Moderna-მ აივ/შიდსის რნმ ვაქცინის ტესტირება დაიწყო

კომპანია Moderna-მ, აივ/შიდსის რნმ ვაქცინის ცდების პირველი ფაზის (IAVI G002) დაწყების შესახებ განაცხადა. პრეპარატის პირველი დოზა უკვე მიიღო ექსპერიმენტში მონაწილე რამდენიმე ადამიანმა ჯორჯ ვაშინგტონის სახელობის უნივერსიტეტის მედიცინისა და სამედიცინო მეცნიერების სკოლიდან. ტესტირებაში მონაწილეთა შერჩევა 2021 წლის აგვისტოში დაიწყო. მოდერნამ 56 არაინფიცირებული, კარგი ჯანმრთელობის მქონე პირი შეარჩია, რომელთა ასაკიც 18-დან 50 წლამდე მერყეობს. ესპერიმენტში მონაწილეები სამ ჯგუფად განაწილდნენ. დარჩენილი 8 ადამიანი კი ცალკე ჯგუფად ჩამოყალიბდა. კვლევაში გაიტესტება აივ/შიდსის ორი კანდიდატი ვაქცინა — mRNA-1644v2-Core და mRNA-1644.

პირველი ფაზის კვლევის (IAVI G002) დიზაინი შემუშავებულია იმგვარად, რომ გადაამოწმოს ჰიპოთეზა, რომლის მიხედვითაც, აივ/შიდსის იმუნოგენებს თანმიმდევრული შეყვანისას, ორგანიზმში უნდა წარმოიქმნას სპეციფიური ანტისხეულები, რომლებიც B-ლიმფოციტებში გამანეიტრალებელ ფუნქციის მქონე ანტისხეულებს (broadly neutralizing antibody, bnAb) წარმოქმნიან. BnAb-ს სტიმულირება აივის აცრის მთავარ მიზანს წარმოადგენს და ზუსტად ეს იქნება პირველი წინ გადადგმული ნაბიჯი. იმუნოგენების კვლევა, IAVI (International AIDS Vaccine Initiative)-ის და Scripps Research-ის მიერ შემუშავებული მეთოდოლოგიის შეფასების საშუალებას მოგვცემს.

IAVI G002-ს აფინანსებს IAVI და აშშ-ს ოთხ ლაბორატორიაში მიმდინარეობს:

• ჯორჯ ვაშინგტონის უნივერსიტეტის სამედიცინო სკოლა
• ემორის ვაქცინის ცენტრის კლინიკური ცდების განყოფილება
• ფრედ ჰატჩინსონის კიბოს კვლევის ცენტრი
• ტეხასის უნივერსიტეტის ჯანმრთელობის სამეცნიერო ცენტრი (ქ.ჰიუსტონი)

კლინიკურ კვლევაში მონაწილე 48 პაციენტი eOD-GT8 60mer mRNA (mRNA-1644)-ს მიიღებს, აქედან 32 ადამიანს, ბუსტერ დოზის სახით Core-g28v2 60mer mRAN (mRNA-1644v2-Core)-ს დაუმატებენ. 8 ადამიანი კი მხოლოდ ბუსტერ იმუნოგენს მიიღებს. მონაწილეები დაკვირვების ქვეშ 6 თვის განმავლობაში იქნებიან. იმუნური რეაქცია მოლეკულარულ დონეზე იქნება შესწავლილი, რათა გადამოწმდეს არსებული ჰიპოთეზა.

როგორც მოდერნა განმარტავს, აივ/შიდსის აცრის ანტიგენები, რომელთა მიწოდებაც რნმ-ის საშუალებით ხორციელდება, თავდაპირველად, Scripps Research-ის პროფესორის, უილიამ შიფის მიერ შეიქმნა. 2021 წელს, უილიამ შიფმა IAVI G001-ის კლინიკური კვლევის შედეგები გამოაქვეყნა, რომლის მიხედვითაც ცილაზე დაფუძნებული იმუნოგენის ადიუვანტურმა ვერსიამ (EOD-GT8 60mer) სასურველი B-უჯრედოვანი იმუნური პასუხი კვლევაში მონაწილეთა 97%-ში წარმოქმნა. IAVI G002 მოწოდებული შედეგების გადამოწმების გარდა, შეაფასებს B-უჯრედების შემდგომი მომწიფების პროცესს. mRNA აცრების შემუშავების სისწრაფის გათვალისწინებით, პატფორმა საჭირო პრეპარატებისა და აცრების შექმნის პროცესს რამდენიმე წლით აჩქარებს, რაც დიდი წინ გადადგმული ნაბიჯია.