იუთუბერი მომღერლების ოჯახის დიდი ბრიტანეთის პოლიტიკაზე ჩაწერილი პაროდია ვირუსულად გავრცელდა.

მარშის ოჯახი მათი სიმღერებით ცნობილი გახდა 2020 წლის აპრილში, როცა დიდ ბრიტანეთში Covid19-ის გამო ლოქდაუნი გამოცხადდა. დღემდე, ოჯახმა ჯამში 58-მდე ვიდეო გამოაქვეყნა თავიანთ YouTube არხზე, რითაც 18 მილიონზე მეტი ნახვა და 126,000 გამომწერი მოაგროვა.

როგორც Marshes-მა განაცხადა, სიმღერაზე გამოხმაურება ძირითადად პოზიტიური იყო, მაგრამ სიმღერის შინაარსზე აღშფოთების გამომხატველი კომენტარებიც ბევრი იყო.