Buy us a donut
სტარტაპმა BeReal, მორიგი საინვესტიციო რაუნდი წარმატებით დახურა.
BeReal წარმოადგენს ფოტოსურათების გაცვლის აპლიკაციას, რომელიც შემთხვევითობის პრინციპით, სოც.ქსელის მომხმარებლებს უგზავნის შეტყობინებას, რომ დროა “იყო ნამდვილი” — BeReal. თეორიულად, მომხმარებელმა შეტყობინების მიღებისთანავე უნდა გახსნას აპლიკაცია და გადაიღოს BeReal სურათი, სადაც ჩანს რას აკეთებს და როგორ გამოიყურება იმ მომენტში (წინა და უკანა კამერების გამოყენებით ერთდროულად). მომხმარებელი სხვის BeReal-ებს ვერ დაინახავს, სანამ თავად არ გამოაქვეყნებს საკუთარს.
მიუხედავად იმისა, რომ BeReal-ის აუდიტორიამ 20 მილიონს მიაღწია, TikTok-თან და ინსტაგრამთან შედარებით ეს ჯერ ზღვაში წვეთია. მიუხედავად ამისა, ახალი სტარტაპის ზრდამ, პოპულარულ სოც.ქსელებს მსგავსი ფუნქციის ჩაშენებისკენ უბიძგა.
BeReal 2019 წელს, GoPro-ს ყოფილმა თანამშრომელმა, ალექსის ბარეატმა, კევინ პერროსთან ერთად შექმნა.
Sensor Tower-ის მონაცემებით, 53 მილიონი ინსტალაციის მიუხედავად, ანდროიდზე, ამ აპლიკაციას ყოველდღიურად მომხმარებლების მხოლოდ 9% იყენებდა. მიუხედავად ამისა, იგი უფრო დიდი პოპულარობით სარგებლობს iPhone-ის მომხმარებლებში.
სტარტაპი $587 მილიონადაა შეფასებული.
