Chrome-ი „მძიმე“ რეკლამის დაბლოკვის ფუნქციას მიიღებს

კომპანია Google-ი საკუთარ ბრაუზერში რეკლამის დაბლოკვის ფუნქციის ჩაშენებას გეგმავს. თუმცა აღნიშნული სიახლე სარეკლამო კონტენტს სრულად მაინც არ დაბლოკავს.

რას დაბლოკავს Chrome-ი?

დაბლოკვის ფუნქცია შეიქმნა „მძიმე“ რეკლამისთვის, რომელიც ბევრ რესურსს მოიხმარს და ამით  ბრაუზერის მუშაობას ანელებს.

Google-ის ინფორმაციით, დაიბლოკება მხოლოდ ის რეკლამა, რომელიც იყენებს პროცესორის დროის 0,1%-ზე მეტს, ტვირთავს პროცესორს წუთში 0,1%-ზე მეტით ან იყენებს ქსელის გამტარუნარიანობის 0,1%-ზე მეტს.

დაბლოკილი რეკლამის ნაცვლად გამოჩნდება განმარტება, თუ რატომ წაშალა ბრაუზერმა ესა თუ ის რეკლამა.

ვისაც სრულად სურს რეკლამისგან გათავისუფლება, მაშინ მათ კვლავინდებურად მოუწევთ uBlock Origin, Ghostery ან Adblock Plus-ის გამოყენება.

როდის გამოვა?

„მძიმე“ რეკლამის დაბლოკვის ფუნქცია საცდელ Chrome Canary 80-ში უკვე მუშაობს. სტაბილურ ვერსიაში კი ის Chrome 80-ის გამოსვლასთან ერთად გამოჩნდება.

წყარო: GitHub