2022 წლის ყველაზე ძვირადღირებული ბრენდების სია უკვე ცნობილია

სააგენტო Interbrand-მა, 2022 წლის ყველაზე ძვირადღირებული ბრენდების სია გამოაქვეყნა, რომელშიც 100 კომპანია ერთიანდება. ამ სიის სათავეში ტექნოლოგიური კომპანიები მოხვდნენ, რომლებიც უცვლელად იკავებენ პირველ ხუთეულს და ღირებულებით მნიშვნელოვნად უსწრებენ დანარჩენ კომპანიებს სხვადასხვა ინდუსტრიებიდან.

ტოპ 20-ეულში პირველი ადგილი კომპანია Apple-ს ეკუთვნის — ის $482, 21 მილიარდად შეფასდა ( +18%, გასულ წელთან შედარებით). მეორე ადგილზე, $278,28 მილიარდიანი შეფასებით (+32%), Microsoft მოხვდა და გაუსწრო Amazon-ს, რომლის ღირებულება ამჟამად $274,81 მილიარდს (+10%) შეადგენს. ხუთეულს ხურავენ Google – $251,75 მილიარდით (+28%) და Samsung – $87,68 მილიარდით (+17%).

რაც შეეხება დანარჩენ კომპანიებს, Coca-Cola-მ გასულ წელთან შედარებით, მოახერხა და გაუსწრო Toyota-ს. მე-8 ადგილი შეინარჩუნა Mercedes-Benz-მა, ხოლო Tesla-მ (+32%) მე-14 ადგილიდან მე-12-ზე გადაინაცვლა. რაც შეეხება Intel-ს, მისი ღირებულების ზრდამ მხოლოდ +8% შეადგინა და კომპანია მე-19 ადგილზე აღმოჩნდა.

კომპანიების სრული სიის სანახავად ეწვიეთ ბმულს.