Buy us a donut
კვლევა, რომელსაც ისრაელის თავდაცვის სამინისტრო სტარტაპ Vocalis-თან ერთად აწარმოებს, მიზანია ინფიცირებული პაციენტების ხმაში იპოვონ მარკერი, რომელიც კორონავირუსის გამოვლენას გაამარტივებს.
წარმატების შემთხვევაში ჩვენ ვიხილავთ აპლიკაციას, რომელიც ხმით კორონავირუსის დიაგნოზის დადგენას შეძლებს.
ამჟამად Vocalis Health და ექიმი შეიდი ჰასანი COVID-19-ით ინფიცირებული პაციენტების ხმისა და სუნთქვის ნიმუშებს აგროვებენ, რის შემდეგაც ჩანაწერებს ჯანმრთელი ადამიანების ხმას ადარებენ. ჩანაწერებს მანქანური სწავლების ტექნოლოგიის საშუალებით გაანალიზებენ.
ამის შემდეგ კი სტარტაპი შექმნის ალგორითმს, რომელიც ჯანდაცვის სამინისტროს კორონავირუსით ინფიცირებული პაციენტების მდგომარეობისა და სიმპტომებზე დაკვირვებას სახლიდან შეძლებენ. ასეთი სახით ქვეყანა ჯანდაცვის სისტემის გადატვირთვის თავიდან აცილებას შეძლებს.
რადგან კორონავირუსი ძირითადად სასუნთქი სისტემის დაზიანებას იწვევს, არსებობს მოსაზრება, რომ ეს პაციენტის ხმასა და მის სუნთქვაში აისახება. საკუთარი ხმის ნიმუშის გაგზავნა კომპანიის საიტზე ან მობილური აპლიკაციით ნებისმიერ მსურველს შეუძლია.
კვლევის პირველი შედეგები 4-6 კვირიან პერიოდში გახდება ცნობილი.
აქვე დავამატებთ, რომ ისრაელში კორონავირუსით ინფიცირების 2030 შემთხვევაა დადასტურებული საიდანაც 100 შემთხვევა ბოლო 24 საათში გამოვლინდა.
