ინდოეთში ჟანგბადის ბარი გაიხსნა

ოქტომბრის ბოლოდან ინდოეთის დედაქალაქი, ნიუ-დელი სმოგმა მოიცვა. მოქალაქეები სმოგის მავნე გავლენისგან თავის დასაცავად ჟანგბადის ბარებს მიმართავენ.

Oxy Pure Oxygen Bar ნიუ-დელიში გაიხსნა. ახალი დაწესებულება მომხმარებლებს სუფთა ჟანგბადს სთავაზობს.

ბარი ნიუ-დელის ერთ-ერთ პრესტიჟულ უბანში გაიხსნა. 15 წუთით სუფთა ჰაერით სუნთქვის ფასი 4-6 აშშ დოლარამდე მერყეობს. მომხმარებელს შვიდიდან ერთ-ერთი არომატის შერჩევა შეუძლია, რომელთა შორისაა ევკალიპტი, პიტნა და დარიჩინი.

ბარის დამფუძნებელი, არიავირ კუმარი აცხადებს, რომ ბიზნესიდან მოგებას ჯერ ვერ ნახულობს, თუმცა სულ მალე ბარი საკუთარი ქსელის გაფართოებას მუმბაისა და ბანგალორში გეგმავს.

„მომხმარებლები გვეკითხებიან: ნუთუ ამიერიდან სუფთა ჰაერში ფულის გადახდა გვიწევს?
მე ვპასუხობ: დღეს ხომ სუფთა წყლის ბოთლშიც იხდით ფულს, რაც 20 წლის წინ წარმოუდგენელი იყო?“ — ამბობს კუმარი.